1923 წლის 1 მაისს, ადგილობრივ სტამბაში დაიბეჭდა სენაკის მაზრის გაზეთ ,,კომუნას” პირველი ნომერი, რომელიც გახდა ,,კოლხეთის’’ პირველსახე. ის იყო მხარეში პირველი ბეჭდური მედიასაშუალება, ამიტომ, ინტერესი, ყურადღება, პასუხისმგებლობით აღსავსე დამოკიდებულება მისადმი, დიდი იყო.
მას შემდეგ 100 წელი გავიდა. გაზეთი ,,კოლხეთი’’ – სენაკის მემატიანე, ერთგული მკითხველისადმი მნიშვნელოვანი საზოგადოებრივი მოვლენების ოპერატიულად მიმწოდებელი იყო, უწყვეტად ასახავდა კულტურული ტრადიციებით მდიდარი კუთხის მაჯისცემას.
ამ საქმეს არაერთი დამსახურებული ჟურნალისტი და გამორჩეული პიროვნება ემსახურებოდა. ,,კოლხეთის“ რედაქციასთან მრავალი სახელოვანი მეცნიერი, საზოგადო მოღვაწე და ხელოვნების წარმომადგენელი თანამშრომლობდა. მის წიაღში აიდგა ფეხი სენაკის ბევრმა ღირსეულმა შვილმა.
დღეს, ბეჭდური სიტყვის მხცოვანი ორგანო ღირსეულად აგრძელებს ტრადიციებს სენაკისა და ქვეყნის სამსახურში.
საიუბილეო თარიღს ვულოცავ ,,კოლხეთს’’, ყველა თაობის კოლხეთელს და პროფესიულ საქმიანობაში წინსვლასა და წარმატებებს ვუსურვებ.
ვახტანგ გადელია
სენაკის მუნიციპალიტეტის მერი