Georgian
English
საამაყოა და სასიხარულო, რომ სენაკის მუნიციპალიტეტის სასპორტო გაერთიანების თექვსმეტწლამდელ კალათბურთელთა გუნდის საუკეთესო კალათბურთელი, მეშვიდე საჯარო სკოლის მე-12 კლასის მოსწავლე, ღირსეული ახალგაზრდა სპორტსმენი, ლუკა ჩიქობავა ესპანეთში, კალათბურთის აკადემიაში კარიერას წარმატებულად აგრძელებს.
პირველი წარმატებული დებიუტის შემდეგ, ლუკამ მის გუნდს არაერთი გამარჯვება მოუტანა და თამაშის უპირობო ლიდერის ტიტული უკვე მეორედ მოიპოვა.
საამაყო კალათბურთელს, ვულოცავ მოპოვებულ აღიარებას.
წარმატებებს, წინსვლას და არაერთი გამარჯვების მოპოვებას ვუსურვებ.
ლუკა, სენაკის მუნიციპალიტეტის მერიის თანადაფინანსებით, ესპანეთში, 30 აგვისტოს გაემგზავრა და თავისი მიღწევებით, მიზანდასახულობით, არაერთხელ ასახელა მშობლიური ქალაქი.
ესპანეთში მოპოვებული გამარჯვებებით, ლუკამ, ჩვენი ქალაქის კალათბურთის ისტორიაში გამორჩეული ადგილი დაიმკვიდრა.
ვახტანგ გადელია
სენაკის მუნიციპალიტეტის მერი