Georgian
English
ხვალიდან, ,,სოფლის მხარდაჭერის პროგრამის“ ფარგლებში დასაფინანსებელი პროექტების შერჩევის მიზნით, სენაკის მუნიციპალიტეტის ადმინისტრაციულ ერთეულებში, მოსახლეობასთან საერთო კრება/კონსულტაციებს ვიწყებთ.
პროგრამის ფარგლებში განსახორციელებელ პროექტებს, 12 თებერვალს, ზემო ჭალადიდის, ახალსოფლის, ნოსირის, მეორე ნოსირისა და გეჯეთის ადმინისტრაციული ერთეულების მოსახლეობა, საერთო კრებებზე/კონსულტაციებზე, თავად შეარჩევს.
14 თებერვალს, მოსახლეობასთან კონსულტაციები ძველი სენაკის, ნოქალაქევის, ლეძაძამეს, ფოცხოსა და უშაფათის ადმინისტრაციულ ერთეულებში გაიმართება.
17 თებერვალს – პრიორიტეტებს, თეკლათის, მენჯის, ხორშის, ეკისა და ზანის ადმინისტრაციული ერთეულების მოსახლეობა, დასახლების საერთო კრებაზე/კონსულტაციაზე, შეარჩევს.
2025 წელს, ,,სოფლის მხარდაჭერის პროგრამის” ფარგლებში, საქართველოს ცენტრალური ბიუჯეტიდან 738 000 ლარი გამოიყო.