სკოლების მშენებლობისა და რეაბილიტაციის პროგრამა

2025 წელს, სკოლების მშენებლობისა და რეაბილიტაციის პროგრამის ფარგლებში, 3 საჯარო სკოლის რეაბილიტაცია დასრულდა. სამუშაოების საერთო ღირებულებამ 7 370 477 ლარი შეადგინა.

საგანმანათლებლო და სამეცნიერო ინფრასტრუქტურის განვითარების სააგენტოს მიერ დაფინანსებული პროექტის ფარგლებში, რეაბილიტირდა ჟიული შარტავას სახელობის მე-2 საჯარო სკოლა, ღირებულებით – 2 794 373 ლარი, ხორშის საჯარო სკოლა, ღირებულებით – 2 249 179 ლარი და უშაფათის საჯარო სკოლა, ღირებულებით – 2 326 925 ლარი.

სკოლები აღიჭურვა ყველა შესაბამისი სასწავლო რესურსითა და თანამედროვე ინფრასტრუქტურით. შენობები სრულად არის ადაპტირებული შეზღუდული შესაძლებლობის მქონე მოსწავლეებისთვის.