სპორტული ინფრასტრუქტურის მოწყობა-რეაბილიტაციის პროექტები

სენაკის მუნიციპალიტეტში, სპორტული ინფრასტრუქტურის მოწყობა-რეაბილიტაციის პროექტების ფარგლებში, 3 სპორტული მოედნის მშენებლობა მიმდინარეობს.

სტადიონები ეწყობა თეკლათის ადმინისტრაციული ერთეულის ტყირის უბანში. პროექტის ღირებულება 102 105 ლარს შეადგენს; საგვარამიოს უბანში, ღირებულებით – 99 175 ლარი; ქალაქში, დავით აღმაშენებლის ქუჩაზე, ღირებულებით – 106 615 ლარი.

სამუშაოების ფარგლებში, ეწყობა ხელოვნურსაფარიანი მოედნები, გარე განათების სისტემები, შემოიღობება სტადიონები.

პროექტები საქართველოს რეგიონებში განსახორციელებელი პროექტების ფონდის დაფინანსებითა და ადგილობრივი ბიუჯეტის თანადაფინანსებით ხორციელდება.

2021-2025 წლებში, სენაკის მუნიციპალიტეტს 33 მინი სპორტული მოედანი შეემატა, რომელთაგან, 5 სპორტული მოედნის მშენებლობა მიმდინარე წელს დასრულდა.