Georgian
English
უდიდესი ტკივილითა და მწუხარებით ვუსამძიმრებ სრულიად საქართველოს, მართლმადიდებელ ეკლესიას და თითოეულ მოქალაქეს, კათოლიკოს-პატრიარქის, ილია II-ის გარდაცვალებას.
მისი უწმინდესობა იყო არა მხოლოდ სულიერი წინამძღოლი, არამედ ერის გამაერთიანებელი, სიბრძნისა და სიმშვიდის სიმბოლო. მისი ღვაწლი ქართული ეკლესიისა და სახელმწიფოს წინაშე განუზომელია და სამუდამოდ დარჩება ჩვენი ქვეყნის ისტორიაში.
მისი ცხოვრების გზა იყო მსახურება ღმერთის, ხალხისა და სამშობლოს წინაშე.
დღეს სიტყვებიც კი უძლურია იმ განცდის გამოსახატად, რასაც თითოეული ჩვენგანი ვგრძნობთ. საქართველო დაემშვიდობა ადამიანს, რომელიც ათწლეულების განმავლობაში იყო ჩვენი რწმენისა და ერთიანობის სიმბოლო.
ვახტანგ გადელია
სენაკის მუნიციპალიტეტის მერი