Georgian
English
ძვირფასო მოსწავლეებო, პედაგოგებო და მშობლებო, გილოცავთ ახალი სასწავლო წლის დაწყებას!
ახალი სასწავლო წელი ყოველთვის ახალი მიზნების, შესაძლებლობებისა და მოლოდინების დასაწყისია. განსაკუთრებით მნიშვნელოვანი კი ეს დღე პირველკლასელებისთვისაა, რომლებიც დღეს პირველად იწყებენ სასკოლო ცხოვრებას. მათ ვუსურვებ, რომ ეს გზა იყოს საინტერესო, წარმატებული და დაუვიწყარი.
მადლობა მინდა გადავუხადო პედაგოგებს, რომლებიც ყოველდღიური შრომით, ცოდნითა და მონდომებით მნიშვნელოვან როლს ასრულებენ თითოეული მოსწავლის განვითარებაში.
მადლობა მშობლებსაც თანადგომისა და იმ დიდი პასუხისმგებლობისთვის, რომელსაც შვილების განათლების გზაზე იზიარებთ.
ყველა მოსწავლეს ვუსურვებ, რომ ახალი სასწავლო წელი მათთვის იყოს წინსვლის, ახალი ცოდნის, საინტერესო გამოცდილებისა და წარმატების წელი.
სენაკის მუნიციპალიტეტის მერი
ვახტანგ გადელია