13 სექტემბერს, ერთად ვუგულშემატკივროთ პირველ ქართველ პროფესიონალ მებრძოლს სენაკიდან, მარიამ ტორჩინავას.

ისტორიული დღე ჩინეთში, ორგანიზაცია JCK – ში, სადაც 21 წლის მარიამი, ქირიას საბრძოლო ხელოვნების აკადემიის სახელით, UFC -ის ყოფილ მებრძოლს დაუპირისპირდება.

მარიამ ტორჩინავა სენაკის მუნიციპალიტეტის ფოცხოს ადმინისტრაციულ ერთეულში დაიბადა. ბავშვობა სენაკში გაატარა. მარიამი, 17 წლის ასაკიდან გახდა MMA-ს მებრძოლი. ის ასევე ასპარეზობდა ქართულ ორგანიზაცია GFC-ში.

მარიამი არის პირველი ქართველი გოგონა, რომელმაც პიეფელში – ევროპის ყველაზე დიდ ორგანიზაციაში იბრძოლა. 21 წლის ასაკში მას შთამბეჭდავი შედეგები აქვს – 11 პროფესიონალური ბრძოლიდან 9 ბრძოლა დამაჯერებელი გამარჯვებით დაასრულა.

13 სექტემბერს, სენაკიდან, ვუგულშემატკივროთ ჩვენს წარმატებულ თანაქალაქელს – მარიამ ტორჩინავას!