Georgian
English
რუბრიკის – ,,გავიცნოთ ჩვენი ქალაქის წარმატებული ახალგაზრდები“ ფარგლებში, საქართველოს ნაკრების წევრს, სენაკის სასპორტო გაერთიანების სასპორტო სკოლის სპორტსმენს, 17 წლის სენაკელ ფალავანს, გიორგი ქვარცხავას გაგაცნობთ.
გიორგი ქვარცხავას, ბერძნულ-რომაული სტილით ჭიდაობაში არაერთი სპორტული მიღწევა და ტიტული აქვს მოპოვებული, არის ევროპის ვიცე-ჩემპიონი, საქართველოს სამგზის ვიცე-ჩემპიონი.
2025 წელს, გიორგი ქვარცხავამ, სომხეთში გამართულ ლევონ შაგოიანის სახელობის საერთაშორისო ტურნირზე ბერძნულ-რომაულ ჭიდაობაში, ჩემპიონის ტიტული მოიპოვა.
2024 წელს, მიხეილ სალაძის სახელობის რესპუბლიკურ ტურნირზე, ტიტულოვანმა სპორტსმენმა მეორედ მოიპოვა ჩემპიონის ტიტული.
აღსანიშნავია ის ფაქტი, რომ გიორგი, ბერძნულ-რომაული სტილით 15 წლამდელ მოჭიდავეთა შორის, პირველი სპორტსმენია ჩვენი ქალაქიდან, ვინც 2023 წელს ევროპის ვიცე-ჩემპიონი გახდა.
გიორგი ქვარცხავას მწვრთნელ-მასწავლებელია ტიტულოვანი სენაკელი სპორტსმენი, რამაზ კოკაია.
სენაკის მუნიციპალიტეტის მერიამ, სენაკელ ფალავანს, სპორტის განვითარებისა და პოპულარიზაციის, წარმატებული სპორტსმენების წახალისების მიზნით შექმნილი მუნიციპალური პროგრამიდან, ფულადი ჯილდო გადასცა.