პროექტი „ჯარის ბანაკი“ იწყება!

პროექტი „ჯარის ბანაკი“ იწყება!

საქართველოს თავდაცვის სამინისტრო, მიმდინარე წლის ივნის-აგვისტოს პერიოდში, განათლების, მეცნიერებისა და ახალგაზრდობის სამინისტროსა და სსიპ ახალგაზრდობის სააგენტოსთან თანამშრომლობით, „ჯარის ბანაკს“ გამართავს.

პროექტი წელს ორ ლოკაციაზე: კოჯორში – გიორგი ანწუხელიძის სახელობის სერჟანტთა აკადემიასა და საჩხერეში – პოლკოვნიკ ბესიკ ქუთათელაძის სახელობის სამთო მომზადების სკოლაში განხორციელდება.

ბანაკის მიზანია ახალგაზრდებში პატრიოტული სულისკვეთების გაძლიერება, ჯანსაღი ცხოვრების წესის პოპულარიზაცია და ქართული ჯარის შესახებ ცნობიერების ამაღლება.

პროექტის ფარგლებში, ახალგაზრდებს შესაძლებლობა ექნებათ, ჩაერთონ თავგადასავლებით სავსე, სახალისო, მრავალფეროვან შემეცნებით პროგრამებში და დაეუფლონ ისეთ უნარ-ჩვევებს, როგორებიცაა: საცეცხლე მომზადება, ტოპოგრაფია და სამხედრო ნავიგაცია.

თითოეულ ლოკაციაზე ბანაკი 6-დღიანი პროგრამით 8 ნაკადს უმასპინძლებს.

,,ჯარის ბანაკში” მონაწილეობა შეუძლიათ:

IX-XI კლასის (14 – 17 წლის) მოსწავლეებს;

მოსწავლეებს, რომლებსაც არ მიუღიათ მონაწილეობა “ჯარის ბანაკში” 2023-2025 წლებში;

მოსწავლეებს, რომლებსაც აქვთ ბანაკში მონაწილეობის მაღალი მოტივაცია.

მონაწილეობის სურვილის შემთხვევაში, იხილეთ აპლიკაცია:
https://shorturl.at/DB8Kc

დამატებითი ინფორმაციისთვის დაუკავშირდით კულტურისა და ახალგაზრდობის მიმართულებით – მერიის განათლების, კულტურის, სპორტისა და ახალგაზრდობის სამსახურის სპეციალისტს, გვანცა მალანიას. ტ: 598 40 25 75