სენაკის მუნიციპალიტეტის სასპორტო გაერთიანების თექვსმეტწლამდელ და თოთხმეტწლამდელ კალათბურთელთა გუნდები, ანტალიაში, საერთაშორისო ტურნირზე იასპარეზებენ

ჩვენი ქალაქის კალათბურთის ისტორიაში, პირველად, სენაკის მუნიციპალიტეტის სასპორტო გაერთიანების თექვსმეტწლამდელ და თოთხმეტწლამდელ კალათბურთელთა გუნდები, ანტალიაში, საერთაშორისო ტურნირზე იასპარეზებენ.

ჩვენს წარმატებულ კალათბურთელებს და მათ მწვრთნელს – შოთა კუჭავას, ღირსეული გამარჯვების მოპოვებას ვუსურვებ.

ეს ის ბიჭებია, რომელთაც, თავისი არსებობისა და სენაკის სპორტის ისტორიაში, საერთაშორისო ტურნირზე პირველად იასპარეზეს, ბულგარეთის ქალაქ ბურგასში, ყველა სატურნირო შეხვედრა დამაჯერებელი გამარჯვებით დაასრულეს და ტურნირის ჩემპიონის ტიტული მოიპოვეს.

მათ, პირველებმა შეძლეს საქართველოს ჩემპიონატის საკვალიფიკაციო ტურნირში გამარჯვება და A ლიგის შეჯიბრებაში მონაწილეობის უფლების მოპოვება. ეროვნული ჩემპიონატის ნახევარფინალში გადასვლა.

თოთხმეტ და თექვსმეტწლამდელ კალათბურთელთა გუნდები არაერთი ტურნირის გამარჯვებულია.

ასევე საამაყოა და ხაზგასასმელი, რომ სენაკის მუნიციპალიტეტის სასპორტო გაერთიანების თექვსმეტწლამდელ კალათბურთელთა გუნდის საუკეთესო კალათბურთელი, ლუკა ჩიქობავა კარიერას ესპანეთში, კალათბურთის აკადემიაში წარმატებით აგრძელებს.

გამარჯვებები და უთვალავი წარმატება, ჩვენს საამაყო კალათბურთელებს.