სენაკის მუნიციპალიტეტში კიდევ ორი მინი სპორტული მოედანი მოეწყობა

სენაკის მუნიციპალიტეტის მერიამ, ორ ადმინისტრაციულ ერთეულში, მინი სპორტული მოედნების მოწყობა-რეაბილიტაციის მიზნით, ტენდერი გამოაცხადა.

ტენდერის ფარგლებში, მენჯის ადმინისტრაციული ერთეულის სოფელ საწულეისკირიოში, დაგეგმილია ახალი მინი სპორტული მოედნის მოწყობა. პროექტის სავარაუდო ღირებულება 130 108 ლარს შეადგენს.

ასევე, ძველი სენაკის ადმინისტრაციული ერთეულის სოფელ კოტიანეთში განხორციელდება მინი სპორტული მოედნის რეაბილიტაცია, რომლის სავარაუდო ღირებულება 121 476 ლარია.

ტენდერის შესახებ დეტალური ინფორმაცია იხილეთ: https://bit.ly/416RzI2

სპორტული სივრცეების შექმნა, სპორტული ინფრასტრუქტურის განვითარება და ახალგაზრდებში ცხოვრების ჯანსაღი წესის პოპულარიზაცია, ადგილობრივი თვითმმართველობის საქმიანობის ერთ-ერთ მნიშვნელოვანი პრიორიტეტია.