სოციალურად დაუცველი ოჯახების საცხოვრებელი პირობების გაუმჯობესების პროგრამა

სოციალურად დაუცველი ოჯახების საცხოვრებელი პირობების გაუმჯობესების პროგრამის ფარგლებში შექმნილი კომისიის თავმჯდომარე, სენაკის მუნიციპალიტეტის მერის მოადგილე, ნანა ზარანდია, კომისიის წევრებთან ერთად, მუნიციპალიტეტის მასშტაბით, ქალაქად და ადმინისტრაციულ ერთეულებში, სოციალურად დაუცველი მოქალაქეების ოჯახების საჭიროებებს ადგილზე ეცნობა.

სენაკის მუნიციპალიტეტის 2025 წლის ბიუჯეტით გათვალისწინებული „სოციალურად დაუცველი ოჯახების საცხოვრებელი პირობების გაუმჯობესების პროგრამის” ფარგლებში მუნიციპალიტეტის მერიაში, მოქალაქეთა განცხადებების მიღება წარმოებდა მიმდინარე წლის 1 მაისამდე.

შემოსული განცხადებების საფუძველზე, კომისია ადგილზე გაეცნობა ოჯახების საჭიროებებს და დაზიანებული სახურავების სრული რეაბილიტაციისათვის შესაბამის გადაწყვეტილებას მიიღებს.

პროგრამის ბიუჯეტია – 120 000 ლარი.

პროგრამა, 2024 წელს, სენაკის მუნიციპალიტეტის მერის, ვახტანგ გადელიას ინიციატივით დაინერგა.

2024 წელს, სენაკის მერიამ, პროგრამის ფარგლებში, სოციალურად დაუცველი ოჯახების მონაცემთა ერთიან ბაზაში რეგისტრირებული 7 ოჯახის საცხოვრებელი სახლების დაზიანებული სახურავის სრული რეაბილიტაცია განახორციელა