უფასო პროფილაქტიკური და დიაგნოსტიკური გამოკვლევები

6 ივნისს, 10:00 საათიდან, გეჯეთის ადმინისტრაციული ერთეულის მოსახლეობას, უფასო პროფილაქტიკური და დიაგნოსტიკური გამოკვლევები ჩაუტარდება.

სამედიცინო აქცია ჩატარდება სენაკის მუნიციპალიტეტის მერიისა და წითელი ჯვრის საზოგადოების ერთობლივი პროექტის ფარგლებში.

მოქალაქეებს შესაძლებლობა ექნებათ სრულიად უფასოდ მიიღონ სხვადასხვა პროფილის ექიმების – რადიოლოგის, ნევროლოგის, კარდიოლოგისა და რევმატოლოგის მომსახურება.

პროექტის ფარგლებში, 7 ივნისს, 10:00 საათიდან, უფასო სამედიცინო აქცია ლეძაძამეს ადმინისტრაციულ ერთეულში გაიმართება.

სამედიცინო აქცია პერმანენტულ ხასიათს ატარებს და სენაკის მუნიციპალიტეტის ყველა ადმინისტრაციულ ერთეულს მოიცავს.