,,ჩვენს ტიტულოვან სპორტსმენს, გიორგი ქვარცხავას, სიამაყით ვულოცავ მორიგ აღიარებას. მან სენაკი არაერთხელ ასახელა. ჩვენს გუნდთან ერთად მხარდაჭერას ვუცხადებ და მადლობას ვუხდი სენაკის წარმოჩენისთვის” – აღნიშნავს ვახტანგ გადელია.

სენაკის მუნიციპალიტეტის მერი, ვახტანგ გადელია, 17 წლის სენაკელ სპორტსმენს გიორგი ქვარცხავას ბერძნულ-რომაულ ჭიდაობაში, საერთაშორისო ტურნირზე მოპოვებულ გამარჯვებას ულოცავს. გიორგი ქვარცხავა საქართველოს ნაკრების წევრია და სენაკის სასპორტო გაერთიანების სპორტსმენი.

,,ჩვენს ტიტულოვან სპორტსმენს, გიორგი ქვარცხავას, სიამაყით ვულოცავ მორიგ აღიარებას. მან სენაკი არაერთხელ ასახელა. ჩვენს გუნდთან ერთად მხარდაჭერას ვუცხადებ და მადლობას ვუხდი სენაკის წარმოჩენისთვის” – აღნიშნავს ვახტანგ გადელია.

17 წლის სენაკელმა ფალავანმა, ესტონეთის ქალაქ რაკვერეში გამართულ საერთაშორისო ტურნირზე ბერძნულ-რომაულ ჭიდაობაში, რვავე შეხვედრა გამარჯვებით დაასრულა და ჩემპიონის ტიტული მოიპოვა. სპორტსმენი, ტურნირზე, სენაკის მუნიციპალიტეტის მერიის მხარდაჭერით გაემგზავრა.

გიორგი ქვარცხავას, ბერძნულ-რომაული სტილით ჭიდაობაში არაერთი სპორტული მიღწევა და ტიტული აქვს მოპოვებული, არის ევროპის ვიცე-ჩემპიონი, საქართველოს სამგზის ვიცე-ჩემპიონი.

გიორგი, ბერძნულ-რომაული სტილით 15 წლამდელ მოჭიდავეთა შორის, პირველი სპორტსმენია ჩვენი ქალაქიდან, ვინც 2023 წელს ევროპის ვიცე-ჩემპიონი გახდა