თანამედროვე სტანდარტების შესაბამისად აშენებულ, 40 აღსაზრდელზე გათვლილ სკოლამდელი აღზრდის დაწესებულებაში სააღმზრდელო პროცესი უკვე განახლდა.

ახალი საბავშვო ბაღის გახსნას სენაკის მუნიციპალიტეტის მერი ვახტანგ გადელია, საკრებულოს თავმჯდომარე ჯუმბერ ტყებუჩავა, მერის მოადგილეები, ადგილობრივი თვითმმართველობისა და შესაბამისი სამსახურების წარმომადგენლები დაესწრნენ.

ახალაშენებულ შენობაში მოწყობილია თანამედროვე სტანდარტების შესაბამისი სააღმზრდელო ოთახები, საძინებლები, სასადილო, სამზარეულო და სანიტარული სივრცეები. ბაღში შექმნილი ინფრასტრუქტურა უზრუნველყოფს აღსაზრდელებისთვის უსაფრთხო, კომფორტულ და მათ საჭიროებებზე მორგებულ გარემოს.