ქალაქის მთავარი ფინანსური დოკუმენტი დამტკიცებულია

20 371 100 ლარით განსაზღვრული ქალაქის მთავარი ფინანსური დოკუმენტი საკრებულოს წევრების ხმათა უმრავლესობით დამტკიცდა.

2023 წელს დაფინანსდება:

ინფრასტრუქტურის მშენებლობა, რეაბილიტაცია და ექსპლოატაცია – 5 299 400 ლარით;

დასუფთავება და გარემოს დაცვა – 1 819 000 ლარით;

განათლება – 2 822 600 ლარით;

კულტურა, რელიგია, ახალგაზრდობა და სპორტის დაფინანსება – 3 024 900 ლარით;

მოსახლეობის ჯანმრთელობის დაცვა და სოციალური უზრუნველყოფა – 1 989 000 ლარით;

მმართველობა და საერთო დანიშნულების ხარჯები – 5 416 200 ლარით;

მოსახლეობის ჯანმრთელობის დაცვა და სოციალური უზრუნველყოფა – 406 100 ლარით.

გაიზრდება შემდეგი სოციალური პროგრამების –

საზოგადოებრივი ჯანდაცვის, ჯანმრთელობაგაუარესებულ მოქალაქეთა სტაციონალური, ამბულატორიული და მედიკამენტოზური მკურნალობის დაფინანსებისა და თანადაფინანსების, მზრუნველობამოკლებულთა მოსახლეობის კვებით უზრუნველყოფის პროგრამების დაფინანსება

პირველად განხორციელდება აუტიზმის სპექტრის დარღვევის მქონე ბავშვთა რეაბილიტაციის პროგრამა; ბიუჯეტი – 72 000 ლარი.

2023 წლის პრიორიტეტებად რჩება ინფრასტრუქტურა, ჯანმრთელობის დაცვა და სოციალური უზრუნველყოფა, განათლება, კულტურა, ახალგაზრდობა და სპორტი, დასუფთავება და გარემოს დაცვა.

საკრებულოს სხდომას სენაკის მუნიციპალიტეტის მერი, ვახტანგ გადელია, ადმინისტრაციული სამსახურის უფროსთან, ნანა ზარანდიასთან და საფინანსო-საბიუჯეტო სამსახურის უფროსთან, დონარა ალანიასთან ერთად დაესწრო.