Georgian
English
დღეს, სენაკის მუნიციპალიტეტის ხელოვნების ცენტრის სამუსიკო სკოლის ორგანიზებით, სამხატვრო სკოლის მოსწავლეთა ნამუშევრების გამოფენა და საფორტეპიანო, საესტრადო, ფოლკლორული, გიტარისა და ვიოლინოს განყოფილებების მოსწავლეთა მონაწილეობით – კონცერტი გაიმართა.
ახალი სასწავლო წლისადმი მიძღვნილ აქტივობებს სენაკის მუნიციპალიტეტის მერიის ადმინისტრაციული სამსახურის უფროსი, ნანა ზარანდია, განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, მუნიციპალიტეტის საკრებულოს თავმჯდომარის პირველი მოადგილე, ლევან უჩანეიშვილი, თავმჯდომარის მოადგილე, ზაზა ნაჭყებია და მერიის შესაბამისი სამსახურების წარმომადგენლები დაესწრნენ.
ახალი სასწავლო წლისთვის, სენაკის მუნიციპალიტეტის ხელოვნების ცენტრის სახელოვნებო-საგანმანათლებლო პროგრამებში185-მდე მოსწავლე ჩაერთო.
ხელოვნების ცენტრის სამუსიკო სკოლაში ფუნქციონირებს საფორტეპიანო, საორკესტრო (ვიოლინო, ჩელო, საქსოფონი, ფლეიტა, ალტი), საესტრადო, საგუნდო განყოფილებები, გიტარისა და ხალხურ საკრავთა შემსწავლელი ჯგუფები;
სამხატვრო სკოლაში ისწავლება: ხატვა, ფერწერა,ხელოვნების ისტორია, გრაფიკა, ძერწვა, კომპოზიცია.
სასწავლო პროცესში ვლინდებიან საუკეთესო ნიჭის მქონე მოსწავლეები.
ხელოვნების ცენტრის სახელოვნებო-საგანმანათლებლო პროგრამებში ჩარიცხული სოციალურად დაუცველი ოჯახების წარმომადგენლები სარგებლობენ გარკვეული შეღავათებით.
ხელოვნების ცენტრი იყენებს ,,პროექტებით სწავლების“ მოდელს.
ცენტრმა წარმატებით განახორციელა 3 შემოქმედებითი პროექტი: ,,ხელოვნების საკვირაო სკოლა“ , ,,ხელოვნების საზაფხულო სკოლა“ და ,,შემეცნებითი ტურები” .
პროექტების მიზანია ხელოვნების სფეროში მოღვაწე ცნობილი ადამიანების ცხოვრების და მოღვაწეობის გაცნობა, ხელოვნების დარგების და ისტორიის პოპულარიზაცია და მოსწავლეთა ცოდნის ამაღლება.
ხელოვნების ცენტრი წარმატებით ახორციელებს სკოლისგარეშე სახელოვნებო-საგანმანათლებლო პროგრამებს.