ახალგაზრდა წარმატებული სენაკელი – უტა ხარბედია

უტამ 2018 წელს წარჩინებით დაამთავრა სენაკის კერძო სკოლა ,,მარიოტა“ და იმავე წელს, სრული სახელმწიფო დაფინანსებით, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტი გახდა.

2022 წლიდან, ასევე სრული სახელმწიფო დაფინანსებით, უტა, თსუ-ს კერძო სამართლის მაგისტრატურის სტუდენტია.

მრავალმხრივი ნიჭით გამორჩეული სენაკელი ახალგაზრდა უნივერსიტეტის საუკეთესო სტუდენტთა შორისაა.

საამაყო და სასიხარულოა, რომ უტა ხარბედია, საერთაშორისო იმიტირებული სასამართლოს – Willem C. Vis moot-ის თსუ-ს გუნდში მოხვდა. აღნიშნულ კონკურსში, მთელი მსოფლიოდან, ყოველწლიურად მონაწილეობას 5000-მდე სტუდენტი ღებულობს.

თსუ-ს ხუთეული შეირჩა განსაკუთრებული ნიჭისა და დიდი მოტივაციის საფუძველზე.

შთამბეჭდავი GPA-ით, ძლიერი აკადემიური მოსწრებით, ინგლისურისა და ბიზნეს სამართლის ღრმა ცოდნით, უტა ხარბედიასთან ერთად, Vis Moot-ის კონკურსში მონაწილეობას ალექსანდრე კახაძე, ლუკა ხვარეშია, მარიამ სხირტლაძე და ელენე კაკულია მიიღებენ.

კონკურსის ფინალური ეტაპი ავტრიის დედაქალაქ ვენაში გაიმართება.

მინდა, თითოეულ მონაწილეს ვუთხრა, რომ თქვენ ხართ ის თაობა, რომელიც ცოდნით და მოტივაციით არაერთხელ ასახელებს მშობლიურ ქალაქს, ჩვენს ქვეყანას და იზრუნებს მის უკეთეს მომავალზე.

წარმატებებს, წინსვლას და არაერთი გამარჯვების მოპოვებას გისურვებთ.

ვახტანგ გადელია

სენაკის მუნიციპალიტეტის მერი