ზემო ფოცხო-ალერტის დამაკავშირებელი გზის მშენებლობა დაიწყო

პროექტის ფარგლებში, 4 347 გრძ.მ-ზე, #დაიგება ბეტონის საფარი, #მოეწყობა ხიდ-ბოგირები და სანიაღვრე სისტემა.

ზემო ფოცხო-ალერტის დამაკავშირებელი გზის მშენებლობა, ღირებულებით – 2 236 994 ლარი, საქართველოს რეგიონული განვითარებისა და ინფრასტრუქტურის სამინისტროს დაფინანსებით ხორციელდება.

საგზაო ინფრასტრუქტურული პროექტის მიმდინარეობას, სენაკის მუნიციპალიტეტის მერი, ვახტანგ გადელია, საკრებულოს თავმჯდომარესთან, საბა ოდიშარიასთან, მერის პირველ მოადგილესთან, ბადრი ქუთელიასთან ერთად, ადგილზე გაეცნო და ადგილობრივ მოსახლეობას შეხვდა.

ადგილობრივების თქმით, აღნიშნულ ლოკაციაზე, საგზაო ინფრასტრუქტურული სამუშაოები პირველად ხორციელდება. პრობლემა, სენაკის მერთან, ერთ-ერთი შეხვედრის დროს დაისვა და მყისიერი რეაგირებაც მოყვა – აღნიშნეს ადგილობრივმა მაცხოვრებლებმა.