სენაკში, ფოთის ქუჩაზე, ახალი სანიაღვრე სისტემა ეწყობა

პროექტის ფარგლებში, 130 გრძივ მეტრზე, #ეწყობა ახალი სანიაღვრე სისტემა, ღირებულებით – 76 725 ლარი.

აღნიშნულ ლოკაციაზე, სენაკის მუნიციპალიტეტის მერი, ვახტანგ გადელია, პირველ მოადგილესთან, ბადრი ქუთელიასთან, საკრებულოს სივრცითი-ტერიტორიული დაგეგმარებისა და ინფრასტრუქტურის კომისიის თავმჯდომარესთან, გიგა წურწუმიასთან, მერიის ზედამხედველობის სამსახურის უფროსთან, ედიკა ბერაიასთან ერთად იმყოფებოდა და სამუშაოების მიმდინარეობას გაეცნო.

სანიაღვრე სისტემის მოწყობის პროექტები, #პარალელურად, ინტენსიურ რეჟიმში #მიმდინარეობს შემდეგ ლოკაციებზე:

ძველი სენაკის ადმინისტარციულ ერთეულის სოფელ კოტიანეთში, საარახამიოს უბანში – #მიმდინარეობს გაბიონის მოწყობის და სანიაღვრე არხის ამოწმენდითი სამუშაოები, ღირებულებით – 30 206 ლარი;

არჩაიას ქუჩაზე #ეწყობა ახალი სანიაღვრე სისტემა, ღირებულებით – 37 385 ლარი;

დემურიას ქუჩაზე #მიმდინარეობს სანიაღვრე სისტემის სარეაბილიტაციო სამუშაოები, ღირებულებით – 24 887 ლარი;

ჭყონდიდელის ქუჩაზე #ეწყობა ახალი სანიაღვრე სისტემა, ღირებულებით – 163 887 ლარი;

26 მაისის ქუჩაზე #მიმდინარეობს სტიქიის შედეგად დაზიანებული კედლის აღდგენა-რეაბილიტაციის პროექტი, ღირებულებით – 102 125 ლარი.