ბავშვთა საავადმყოფოს ჰემოგლობინის ანალიზატორი გადაეცა

საკრებულოს სოციალურ საკითხთა კომისიის თავმჯდომარე, ბავშვთა საავადმყოფოს დირექტორს, ლუარა დგებუაძეს და სამედიცინო პერსონალს შეხვდა, ჯანმრთელობის საერთაშორისო დღე მიულოცა და საავადმყოფოს კლინიკურ ლაბოლატორიას, უსასყიდლოდ, გლიკოზირებული ჰემოგლობინის (HbA1c) ანალიზატორი გადასცა, რომელიც განსაზღვრავს ბოლო 2-3 თვის განმავლობაში, სისხლში გლუკოზის საშუალო დონეს.

აღსანიშნავია, რომ 2024 წელს, შპს ,,სენაკის ბავშვთა საავადმყოფომ“, პაციენტების უსაფრთხოებისა და სამედიცინო ხარისხის მიმართულებით, ამერიკის საერთაშორისო აკრედიტაცია მოიპოვა.

2024 წელს, ასევე სრულად რეაბილიტირდა და თანამედროვე სტანდარტების შესაბამისად მოეწყო ბავშვთა საავადმყოფოს ორივე სართული, პოლიკლინიკა, სტაციონარი. საავადმყოფო აღიჭურვა უახლესი სამედიცინო აპარატურით.

კლინიკა, პატარა პაციენტებს და მათ მშობლებს, თანამედროვე ინფრასტრუქტურით, მაღალტექნოლოგიური სამედიცინო დიაგნოსტიკური აპარატურითა და კვალიფიციური მედ.პესონალით, სამედიცინო მომსახურების სრულ სპექტრს სთავაზობს.

ასევე აღსანიშნავია, რომ სენაკში მცხოვრებ მოქალაქეებს, რომელნიც საჭიროებენ გლუკოზის უწყვეტ მონიტორინგს, ერთი თვის მანძილზე, სენაკში, რუსთაველის ქუჩის 170-ში მდებარე შ.პ.ს. ,,პანაცეაში“, უფასოდ გადაეცემათ გლუკომეტრი – სისხლში შაქრის საზომი აპარატი.

აღნიშნული ინიციატივა ხორციელდება სენაკის მუნიციპალიტეტის საკრებულოს სოციალურ საკითხთა კომისიის თავმჯდომარის, ინგა ქარდავას მიერ, სენაკის მუნიციპალიტეტის მერიის, საკრებულოსა და სამედიცინო კომპანია ,,დიაბეტ სერვისის“ დამფუძნებლის, ედიტა კოდუას მხარდაჭერით.