სენაკის მერმა სამუშაო თათბირი გამართა

მუნიციპალიტეტის მერმა, ვახტანგ გადელიამ, პირველ მოადგილესთან, ბადრი ქუთელიასთან და მოადგილესთან, ნანა ზარანდიასთან ერთად, პირველადი სტრუქტურული ერთეულებისა და მუნიციპალური ა(ა)იპ-ების ხელმძღვანელებისგან შესრულებული და მიმდინარე სამუშაოების შესახებ დეტალური ინფორმაცია მოისმინა.

სხდომაზე იმსჯელეს 2025 წლის ,,სოფლის მხარდჭერის პროგრამის’’ ფარგლებში დასაფინანსებელი პროექტების მიმდინარეობის დეტალებზე, ინფრასტრუქტურული პროექტების, მიმდინარე და ჩასატარებელი სარეაბილიტაციო სამუშაოების, ზედამხედველობითი ღონისძიებების მიმდინარეობის, გამოცხადებული ტენდერების, სოფლის მეურნეობის, კულტურულ-საგანმანათლებლო მიმართულებით მიმდინარე და დაგეგმილ პროექტებსა და პროგრამებზე, ადმინისტრაციულ ერთეულებში არსებული მდგომარეობისა და გამოწვევების შესახებ.

მუნიციპალიტეტის მერმა, ასევე ხაზი გაუსვა სამოქალაქო ბიუჯეტირების 2025 წლის პროგრამას – ,,მიმდინარე წელს, ადგილობრივი ბიუჯეტიდან 100 000 ლარი სრულად მივმართეთ სამოქალაქო ბიუჯეტირების პროგრამისთვის, რაც მაქსიმალურად ხელს შეუწყობს ჩვენი მოსახლეობის თვითმმართველობაში ჩართულობის ამაღლებას, მათი ინიციატივით და მათთან ერთად, მნიშვნელოვანი პროექტების განხორციელებას’’.

ვახტან გადელიამ, მუნიციპალიტეტის წინაშე მდგარი გამოწვევების ეფექტურად გადაჭრის გზებზე ისაუბრა და მიმდინარე და დაგეგმილი პროექტების განხორციელებასთან დაკავშირებული მითითებები გასცა.