Georgian
English
სამეგრელოში მიმდინარე ინფრასტრუქტურულ პროექტებს, ინფრასტრუქტურის მინისტრი, რევაზ სოხაძე, მოადგილეებთან, სენაკის, ხობისა და ფოთის დელეგატთან, გიორგი ხახუბიასთან, სამეგრელო-ზემო სვანეთის სახელმწიფო რწმუნებულთან, დავით ვერავასთან, სენაკის მუნიციპალიტეტის მერთან, ვახტანგ გადელიასთან, საკრებულოს თავმჯდომარესთან, საბა ოდიშარიასთან და ადგილობრივი ხელისუფლების წარმომადგენლებთან ერთად გაეცნო.
მინისტრმა სენაკისა და ხობის მუნიციპალიტეტებში წყალმომარაგების სამუშაოების მიმდინარეობა ადგილზე დაათვალიერა.
ინფრასტრუქტურის სამინისტროს გაერთიანებული წყალმომარაგების კომპანია სენაკისა და ხობის მუნიციპალიტეტებში, ერთდროულად, ჯამში, 25 სოფელში ახორციელებს წყალმომარაგების სარეაბილიტაციო-სამშენებლო სამუშაოებს.
სრული რეაბილიტაცია უტარდება სათავე ნაგებობებს, ეწყობა მაგისტრალური და შიდა გამანაწილებელი ქსელები და ინდივიდუალური გამრიცხველიანება.
პროექტები ეტაპობრივად, 2026-2027 წლებში დასრულდება, რის შემდეგაც დამატებით 18 000 ბენეფიციარი მიიღებს 24 საათიან წყალმომარაგებას.