Georgian
English
11 მაისს, სენაკის მუნიციპალიტეტის ძველი სენაკის ადმინისტრაციულ ერთეულში, ძლიერმა ქარმა წააქცია უნიკალური, 840 წლოვანი ჭადარი, რომელიც შეტანილი იყო საქართველოს წითელ წიგნში.
სტიქიის პირველივე წუთებიდან ადგილზე მობილიზებული იყვნენ ადგილობრივი ხელისუფლებისა და საზოგადოებრივი მომსახურების ცენტრის წარმომადგენლები.
მომხდარის შედეგად არავინ დაშავებულა.
ქარმა, ქალაქის ტერიტორიაზე, რამდენიმე ლოკაციაზე, დააზიანა ხეები.
ამ დროისთვის ქალაქში ქარის შედეგად შექმნილი პრობლემები აღმოფხვრილია.