Georgian
English
სენაკის XII მუსიკალური ფესტივალი, აკაკი ხორავას სახელობის სახელმწიფო პროფესიულ დრამატულ თეატრში, ანსამბლ„შვიდკაცას” კონცერტით გაიხსნა.
საღამოზე შესრულდა ანსამბლის ცნობილი კომპოზიციები.
კონცერტს სენაკის მუნიციპალიტეტის მერის მოადგილე, ნანა ზარანდია ადგილობრივი თვითმმართველობის წარმომადგენლებთან ერთად დაესწრო.
საღამოს უძღვებოდნენ სენაკის საპატიო მოქალაქეები: სენაკის მუსიკალური ფესტივალის დამაარსებელი და სამხატვრო ხელმძღვანელი, პიანისტთა საერთაშორისო კონკურსების მრავალგზის ლაურეატი, ხელოვნების აკადემიის რექტორი, მსოფლიოში აღიარებული პიანისტი, ვალერიან შიუკაშვილი და სენაკის მუნიციპალიტეტის ხელოვნების ცენტრის სამუსიკო სკოლის ხელმძღვანელი, დამსახურებული პედაგოგი, რუსუდან მილიუტინი.
სენაკის მუსიკალური ფესტივალი სრულიად საქართველოს კათოლიკოს-პატრიარქის, ილია II-ის პატრონაჟით, სენაკის მუნიციპალიტეტის მერიის, საკრებულოს მხარდაჭერითა და ხელოვნების აკადემიის ინიციატივით იმართება.