Georgian
English
სენაკში, ყოფილი სამხედრო ქალაქის დევნილთა დასახლებაში, აფხაზეთიდან დევნილი ბავშვებისთვის, გასართობი ღონისძიება – ,,ჯადოსნური დღეები“ გაიმართა.
ღონისძიება გასართობ აქტივობებს, გუნდურ და ინტერაქტიულ თამაშებს მოიცავდა, რომელშიც აფხაზეთიდან დევნილი 300-მდე ბავშვი მონაწილეობდა.
პროექტი, აფხაზეთის ავტონომიური რესპუბლიკის მთავრობის ინიციატივით, აფხაზეთის კულტურის, სპორტისა და ახალგაზრდულ საქმეთა სააგენტოს ორგანიზებითა და აფხაზეთის ავტონომიური რესპუბლიკის იძულებით გადაადგილებულ პირთა – დევნილთა სამინისტროს მხარდაჭერით, ქვეყნის მასშტაბით, 8 ქალაქში ხორციელდება და 7 დეკემბრის ჩათვლით გაგრძელდება.
ღონისძიებას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი, ბესიკ კუსიდი, აფხაზეთის კულტურის, სპორტის და ახალგაზრდულ საქმეთა სააგენტოს დირექტორი, ავთანდილ ძაგანია, სენაკის მუნიციპლიტეტის საკრებულოს თავმჯდომარის მოადგილე, მანანა გვიჩია, მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი და აფხაზეთის მთავრობის წარმომადგენლები დაესწრნენ.