სენაკში მუსიკალური ფესტივალი მიმდინარეობს

ფესტივალის ფარგლებში, ხელოვნების ცენტრის სამუსიკო სკოლაში, გაიმართა ავსტრიელი პიანისტის, ლევ დავიდოვის საფორტეპიანო მუსიკის კონცერტი; ბათუმის სახელმწიფო მუსიკალური ცენტრის კაპელის მთავარ ქორმაისტერის, ქეთევან მანელიშვილისა და ფესტივალის დამაარსებლის, ვალერიან შიუკაშვილის მასტერკლასები; ასევე, კლასიკური მუსიკის საღამო – საერთშორისო და ეროვნულ კონკურსებში გამარჯვებული ახალგაზრდა პიანისტების მონაწილეობით.

სენაკის XIII მუსიკალური ფესტივალი ეძღვნება საქართველოში ქრისტიანობის სახელმწიფო რელიგიად გამოცხადების 1700 წლისთავს და საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის, ილია II-ის ხსოვნას.

ფესტივალი, სენაკის მუნიციპალიტეტის მერიის, საკრებულოს მხარდაჭერითა და ხელოვნების აკადემიის ინიციატივით იმართება და 24 მაისს, 19:00 საათზე, აკაკი ხორავას სახელობის სახელმწიფო პროფესიულ დრამატული თეატრში, საზეიმოდ დაიხურება.