სენაკის მერმა სამუშაო შეხვედრა გამართა

შეხვედრაზე, საანგარიშო კვირის განმავლობაში, ჯანმრთელობისა და სოციალური დაცვის მუნიციპალური პროგრამების ფარგლებში გაწეული დახმარების, ინფრასტრუქტურული პროექტებისა და ზედამხედველობითი ღონისძიებების მიმდინარეობა განიხილეს.

განსაკუთრებული ყურადღება დაეთმო 26 მაისს დაგეგმილი კომპლექსური ღონისძიებების უზრუნველსაყოფად მიმდინარე სამუშაოებს. საქართველოს დამოუკიდებლობის დღისადმი მიძღვნილი ღონისძიებები სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის ორგანიზებითა და მუნიციპალური აიპების ჩართულობით იმართება და მთელი დღის მანძილზე, კულტურული, სპორტული, საბავშვო და გასართობ-შემეცნებითი, საზეიმო ღონისძიებებით აღინიშნება.

მუნიციპალიტეტის მერმა გასცა შესაბამისი დავალებები, რათა ყველა პროცესი მაქსიმალურად კოორდინირებულად, პასუხისმგებლობითა და დადგენილ ვადებში წარიმართოს.

ვახტანგ გადელიას თქმით, თითოეული პროექტისა და პროგრამის მთავარი მიზანი მოქალაქეებისთვის უკეთესი გარემოს შექმნა და მათი ყოველდღიური ცხოვრების ხარისხის გაუმჯობესებაა.