ჯემალ აჯიაშვილი 81

გამოჩენილი ქართველი ებრაელი მწერლის, პოეტის, მთარგმნელისა და პუბლიცისტის, საქართველოს ებრაელთა მსოფლიო კონგრესის ვიცე-პრეზიდენტის, საქართველოს მწერალთა და თეატრალურ მოღვაწეთა კავშირების წევრის, სახელმწიფო პრემიის ლაურეატის, პარიზის ქართულ-ევროპული ინსტიტუტის, ილია ჭავჭავაძის სახელობისა და ივანე მაჩაბლის სახელმწიფო პრემიების ლაურეატის, ღირსების ორდენის კავალერის, სენაკის საამაყო შვილის, ჯემალ აჯიაშვილის დაბადებიდან 81 წლისთავის საიუბილეო თარიღთან დაკავშირებით, მის მშობლიურ ქალაქში, სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის ორგანიზებით, ღონისძიებების კვირეული 17 მარტს დაიწყება და სიმბოლურად, მწერლის დაბადების დღეს, 23 მარტს დასრულდება:

17 მარტს, 15:00 საათზე, სენაკის ხელოვნების გალერეაში თემატური ფოტო გამოფენა გაიხსნება;

18 მარტს, 14:00 საათზე, ქალაქის საჯარო ბიბლიოთეკაში, თემატური საღამო გაიმართება;

19 მარტს, 15:00 საათზე, მოსწავლე-ახალგაზრდობისა და კულტურის ცენტრი უმასპინძლებს ჯემალ აჯიაშვილის პოეტური შემოქმედებისადმი მიძღვნილ მხატვრული კითხვის კონკურსს;

20 მარტს, 14:00 საათზე, მწერლის მშობლიურ მეორე საჯარო სკოლაში გაიხსნება ჯემალ აჯიაშვილის სახელობის კაბინეტი. ღონისძიებას ლიტერატურული კომპოზიცია დაასრულებს;

21 მარტს, 14:00 საათზე, ეროვნული გმირის, ჟიული შარტავას სახელობის მუზეუმში გაიმართება სენაკის მუნიციპალიტეტის ხელოვნების ცენტრის სამხატვრო სკოლის მოსწავლეთა ნამუშევრების გამოფენა – ,,ნახატები ებრაულ მოტივებზე” ;

21 მარტს, 15:00 საათზე, ეროვნული გმირის, ჟიული შარტავას სახელობის მუზეუმში გაიმართება რეჟისორ, მიხეილ ჭიაურელის ფილმის ჩვენება, თემატური პრეზენტაციები, კომპოზიციები;

23 მარტს, 13:00 საათზე, გამოჩენილი ქართველი ებრაელი მწერლის, ჯემალ აჯიაშვილის 81-ე დაბადების დღეს, მშობლიური ქალაქი კიდევ ერთხელ მიაგებს პატივს მწერლის ხსოვნას და მისი სახელობის სკვერში, მწერლის ბარელიეფს, ყვავილებით შეამკობენ.

#ჯემალაჯიაშვილი81
#გახსოვდესშენიისტორია