სამოქალაქო ბიუჯეტირების პროგრამა 2025

სამოქალაქო ბიუჯეტირების პროგრამის ფარგლებში, საჯარო კენჭისყრის ეტაპი დღეიდან დაიწყო და 2 ივნისის ჩათვლით გაგრძელდება.

კენჭისყრის ეტაპზე გადასულია 6 საპროექტო წინადადება, მათგან გაიმარჯვებს ის 2 პროექტი, რომელსაც თქვენ აირჩევთ.

ბმულის საშუალებით შეგიძლიათ აირჩიოთ თქვენთვის სასურველი 3 საპროექტო წინადადება და მას მხარი დაუჭიროთ: https://www.facebook.com/share/p/1ARWkJQ7gK/

რომელი საპროექტო წინადადების განხორციელება გსურთ სენაკის მუნიციპალიტეტის 2025 წლის ბიუჯეტიდან?

გაეცანით კენჭისყრის ეტაპზე გადასულ საპროექტო წინადადებებს:

ქ. სენაკში, ჭავჭავაძის ქუჩის N 82ა-ში, საბავშვო ატრაქციონის მოწყობა კაუჩუკის საფარით;

ქ. სენაკში, ქალაქის ცენტრალურ პარკში არსებული მინი სპორტული მოედნის რეაბილიტაცია;

ნოქალაქევის ადმინისტრაციული ერთეულის სოფელ ჯიხაში – ტრენაჟორების მოწყობა;

ქ. სენაკში, მშვიდობის ქუჩაზე არსებული სკვერის რეაბილიტაცია;

ქ. სენაკში, ელექტრომობილების ორი ერთეული დასამუხტი სადგურის (ელექტროჰაბი სენაკი) მოწყობა;

სენაკის მუნიციპალიტეტში, ორი ერთეული მულტიფუნქციური ენერგოეფექტური მოსაცდელის მოწყობა.

ხმის მიცემის პრინციპი:

ხმის მიცემა შეუძლია სენაკის მუნიციპალიტეტში რეგისტრირებულ საქართველოს მოქალაქეს -როგორც ონლაინ პლატფორმაზე, ასევე, სენაკის მუნიციპალიტეტის მერიაში (ჭავჭავაძის 103) და ადმინისტრაციულ ერთეულებში, მერის წარმომადგენლისთვის წერილობითი მომართვით.

ერთ მოქალაქეს აქვს 3 პროექტზე ხმის მიცემის უფლება.

ველით თქვენს აქტიურობას ხმის მიცემის პროცესში.

გამარჯვებული პროექტი 50 000 ლარით დაფინანსდება.

2025 წლის ადგილობრივი ბიუჯეტიდან 100 000 ლარი სრულად მიიმართება სამოქალაქო ბიუჯეტის პროგრამისთვის.

#ჩვენუკეთესისენაკისთვის
#ერთადგანვაახლოთ
#სამოქალაქობიუჯეტირებისპროგრამა2025