ლეკირცხალიეში საგზაო ინფრასტრუქტურული სამუშაოები მიმდინარეობს

სენაკის მუნიციპალიტეტის მერი, ვახტანგ გადელია და მერის პირველი მოადგილე, ბადრი ქუთელია, ლეძაძამეს ადმინისტრაციულ ერთეულში, ლეკირცხალიეს უბანში, საგზაო ინფრასტრუქტურის მოწყობა-რეაბილიტაციის ფარგლებში მიმდინარე სამუშაოებს გაეცნენ.

ასფალტო-ბეტონის საფარისა და მილხიდების 2 044 გრძივ მეტრზე მოწყობის პროექტის ღირებულებამ, რომელიც წლის ბოლომდე დასრულდება, 544 958 ლარი შეადგინა.

პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის დაფინანსებით ხორციელდება.