Georgian
English
2023 წელს, სენაკის მუნიციპალიტეტის მასშტაბით, ჯანმრთელობისა და სოციალური დაცვის უზრუნველყოფის 17 პროგრამით, 1 737 764 ლარის ფარგლებში, დახმარება 32 970 მოქალაქეს გაეწია.
2023 წელს პირველად დაინერგა:
აუტიზმის სპექტრის დარღვევის მქონე ბავშვთა რეაბილიტაციის პროგრამა. ამ ეტაპისთვის, პროგრამით 19 მოზარდი სარგებლობს; ბიუჯეტი – 72 000 ლარი.
დაფინანსდა პროექტი – „საჭიროების მქონე ბავშებისათვის ADOS -ის კვლევა დანერგვა მუნიციპალიტეტში“.
სენაკის მუნიციპალიტეტის მერთან არსებული შშმ პირთა საკითხებზე მომუშავე საბჭო – საქართველოში პირველი და ერთადერთი ორგანოა, რომელსაც გააჩნია საკუთარი ბიუჯეტი.
საბჭომ, საგრანტო კონკურსის – ,,შეზღუდული შესაძლებლობის მქონე პირთა და მათი ოჯახების წევრთა იდეების მხარდაჭერა და შემოსავლების გენერირება, შშმ პირთა საზოგადოებრივ საქმიანობაში აქტიური ჩართულობის ხელშეწყობა’’ ფარგლებში, 3 პროექტი – 2 ბიზნეს-იდეა და შშმ პირთა სფეროში მოქმედი ორგანიზაცია დააფინანსა.
2023 წელს, საქართველოს ადგილობრივ თვითმმართველობათა ეროვნული ასოციაციის მიერ გამოცხადებულ კონკურსში, საგრანტო პროგრამა საუკეთესო მუნიციპალური პრაქტიკის პროგრამად დასახელდა.
სოციალური ღონისძიების პროგრამის ფარგლებში, საქართველოს დამოუკიდებლობის 105 წლისთავზე, სენაკის მუნიციპალიტეტში რეგისტრირებულ 337 ვეტერანს გაეწია ერთჯერადი ფულადი დახმარება.
#ჩვენუკეთესისენაკისთვის
#ჯანდაცვისხელისაწვდომობა
#ანგარიში2023
#სენაკი2023