სოფლის მეურნეობის განვითარების მხარდაჭერის პროგრამები და პროექტები

სენაკის მუნიციპალიტეტის მერიამ, საგრანტო კონკურსის – „სოფლის მეურნეობის სექტორში ჩართული ქალებისა და ახალგაზრდების ხელშეწყობა სოციალურ-ეკონომიკური განვითარების მიზნით“ – ფარგლებში, საპროექტო წინადადებების მიღება დღეიდან, 15 აპრილიდან დაიწყო და 15 მაისს დასრულდება.

კონკურსის ეტაპებისთვის განისაზღვრა:

• განცხადების მიღება – 15 აპრილიდან 15 მაისის ჩათვლით;
• საინფორმაციო შეხვედრები – 20 აპრილიდან 30 აპრილის ჩათვლით;
• საკონკურსო იდეის – განაცხადის შერჩევა – 25 მაისი;
• ადგილზე ვიზიტი – 25 მაისიდან 27 მაისის ჩათვლით;
• გასაუბრება – 27 მაისი;
• გამარჯვებული ბენეფიციარების გამოვლენა – 1 ივნისი;
• გამარჯვებული პროექტის მიმდინარეობის მონიტორინგი – 1 აგვისტო, 1 ოქტომბერი.

გამოიყენე შესაძლებლობა, დაწერე პროექტი შემდეგი მიმართულებებით:

• სოფლის მეურნეობა – მეცხოველეობა, მეფუტკრეობა, მეფრინველეობა, მემცენარეობა, სანერგე და სასათბურე მეურნეობა, მეთევზეობა, რძის პროდუქტების წარმოება, ადგილობრივი ვაზის ჯიშების მოშენება და ღვინის წარმოების ხელშეწყობა; სოფლის მეურნეობის სხვადასხვა პროდუქტების წარმოება და რეალიზაცია);
• ინოვაციური ტექნოლოგიების გამოყენება სოფლის მეურნეობის სექტორში – მზის პანელები, წვეთოვანი სარწყავი სისტემა, სასათბურე კონსტრუქცია, ხელოვნური განათება, ელექტრომწყემსი და სხვა;
• აგროტურიზმის განვითარება – ტურისტული სერვისები, ტურიზმთან დაკავშირებული ნებისმიერი სახის მომსახურეობა (კულინარია, ინოვაციური იდეები, რომელიც ხელს შეუწყობს სენაკის მუნიციპალიტეტში აგრო და ეკოტურიზმის განვითარებას).

ინფორმაცია პროექტის შესახებ და საპროექტო წინადადების ფორმები იხილეთ ბმულზე:

დანართი 1 – განცხადების ფორმა

დანართი 2 – განაცხადის ფორმა

დანართი 3 – ბიუჯეტის ფორმა

დანართი 4 – კონკურსის სამოქმედო გეგმა

პროექტის კრიტერიუმები უნდა მოიცავდეს:
• იდეის აღწერას;
• პროექტის მიზანს და ამოცანებს;
• მოსალოდნელ შედეგებს;
• ბიუჯეტს.

კონკურსში მონაწილეობის უფლებით სარგებლობს სენაკის მუნიციპალიტეტში რეგისტრირებული, სრულწლოვანი ფიზიკური პირი – ქალი ან ქალთა საინიციატივო ჯგუფი; ახალგაზრდა ან ახალგაზრდული საინიციატივო ჯგუფი.

უპირატესობა ენიჭება:
• ახალი ბიზნესის წამოწყებას;
• ქალის და ქალთა ჯგუფების ბიზნესის დაწყება/გაფართოებას;
• ახალგაზრდა (35 წლის ასაკის ჩათვლით) სუბიექტის მიერ ბიზნესის დაწყება/გაფართოებას;
• შეზღუდული შესაძლებლობის მქონე პირთა (შემდგომში შშმ პირი) ქალთა მიერ ბიზნესის დაწყება/გაფართოებას;
• მარტოხელა სტატუსის მქონე მშობლის (დედის) მიერ ბიზნესის დაწყება/გაფართოებას;
• მრავალშვილიანი მშობლის სტატუსის მქონე დედის (ოთხი ან მეტი შვილი – 18 წლამდე) მიერ ბიზნესის დაწყება/გაფართოებას;
• დაბრუნებულ მიგრანტს ან მისი ოჯახის წევრს;
• ინოვაციურ პროექტებს.

პროექტის მინიმალური ბიუჯეტი – 1 000 ლარი; მაქსიმალური ბიუჯეტი – 5 000 ლარი.

თანამონაწილეობა უნდა მოიცავდეს მოთხოვნილი თანხის 20 %-ს, თუ მოთხოვნილი თანხა ტოლია ან აღემატება 4 000 ლარს;

თანამონაწილეობად ჩაითვლება მხოლოდ ფინანსური მონაწილეობა;

შესაძლებელია, გრძელვადიანი (1 წელზე მეტი) აქტივის შეძენა.

საპროექტო წინადადება შეგიძლიათ წარმოადგინოთ სენაკის მუნიციპალიტეტის მერიაში, ქ. სენაკი, ჭავჭავაძის ქუჩა 103 ან ელექტრონულ მისამართზე: senakismeria@gmail.com;

დამატებითი ინფორმაციის მისაღებად, დაუკავშირდით: 599 85 75 52 – დალი ქაჩიბაიას, სენაკის მუნიციპალიტეტის მერიის ეკონომიკური განვითარების, სტატისტიკისა და ქონების მართვის სამსახურის სპეციალისტს, საკონკურსო კომისიის მდივანს.

სოფლის მეურნეობის სექტორში ჩართული პირების მხარდაჭერის პროგრამის ფარგლებში საკონკურსო კომისიის დებულების დამტკიცებისა და საკონკურსო კომისიის შექმნის თაობაზე

პროგრამის ,,სოფლის მეურნეობის სექტორში ჩართული პირების ხელშეწყობა სოციალურ-ეკონომიკური გაძლიერების მიზნით“ საკონკურსო კომისიის დებულება და კონკურსის  ჩატარების წესი

სენაკის  მუნიციპალიტეტის მერიის ადგილობრივი ბიუჯეტის  მიზნობრივი  პროგრამის სამოქმედო გეგმა – დანართი 1

სენაკის  მუნიციპალიტეტის მერიის ადგილობრივი ბიუჯეტის  მიზნობრივი  პროგრამის სამოქმედო გეგმა – დანართი 2

საპროექტო იდეის განაცხადის ფორმა

სენაკის მერიის საგრანტო კონკურსის – ,,სოფლის მეურნეობის სექტორში ჩართული პირების მხარდაჭერის ხელშეწყობის პროგრამის” შესახებ