სენაკის თეატრში გიტარისტ გოჩა ჯგერენაიას საავტორო საღამო გაიმართა

სენაკის მუნიციპალიტეტის მერიისა და ხელოვნების ცენტრის მხარდაჭერით, დღეს, აკაკი ხორავას სახელობის პროფესიულ სახელმწიფო დრამატულ თეატრში, ჩვენი ქალაქის სინამდვილეში, ვირტუოზი გიტარისტის, სენაკის მუნიციპალიტეტის ხელოვნების ცენტრის სამუსიკო სკოლის პედაგოგის, ანსამბლ ,,გოგალაის” წევრის, გოჩა ჯგერენაიას საავტორო საღამო გაიმართა.

საღამოს სენაკის მუნიციპალიტეტის მერის მოადგილე, ლევან ელიავა, მუნიციპალიტეტის საკრებულოს ფრაქცია ,,ქართული ოცნება-დემოკრატიული საქართველოს” თავმჯდომარის მოადგილე, მანანა გვიჩია, მერიის განათლების, კულტურის, სპორტისა და ახალგაზრდობის სამსახურის უფროსი, გივი მისაბიშვილი, მერის თანაშემწე, მარინე ფაღავა, სენაკის მუნიციპალიტეტის ხელოვნების ცენტრის დირექტორი, ვეფხვია ვეფხვაძე, ადგილობრივი თვითმმართველობის, მუსიკალური სფეროს და საზოგადოების წარმომადგენლები დაესწრნენ.

გოჩა ჯგერენაია მისი შემოქმედების თაყვანისმცემლების წინაშე ცნობილ კომპოზიტორთა უკვდავი შედევრებით წარდგა.

საღამოში მონაწილეობა ხელოვნების ცენტრთან არსებულმა ჯგუფმა ,,გოგალაიმ”, ხელოვნების ცენტრის სამუსიკო სკოლის გიტარის განყოფილების მოსწავლეებმა და წარმატებულმა კურსდამთავრებულებმა მიიღეს.

საღამოს ანსამბლ ,,გოგალაის” წევრი, ცირა ჯოლია უძღვებოდა.