ირინა ხერჟის მასტერკლასი – სენაკი არტ-ფესტის ფარგლებში

სენაკის მუსიკალური ფესტივალის მეათე დღეს, ხელოვნების ცენტრის სამუსიკო სკოლის სულხან ცინცაძის სახელობის საკონცერტო დარბაზში, ხელოვნების დამსახურებული მოღვაწემ, ბათუმის კონსერვატორიის ასოცირებულმა პროფესორმა, ირინა ხერჟიმ მასტერკლასი ჩაატარა.

25 მაისს, სენაკის მუსიკალური ფესტივალი, რომელიც უკვე მეათე წელია სრულიად საქართველოს კათოლიკოს-პატრიარქის, ილია II-ის პატრონაჟით, სენაკის მუნიციპალიტეტის მერიის, საკრებულოს და ხელოვნების აკადემიის მხარდაჭერით იმართება, აკაკი ხორავას სახელობის სახელმწიფო პროფესიულ დრამატულ თეატრში, საზეიმოდ დაიხურება.

სენაკის X მუსიკალური ფესტივალის ფარგლებში, გაიმართა შეხვედრა-კონცერტები:

ცნობილი ქართველი მომღერლების – ნატო მეტონიძისა და ლიზა ბაგრატიონის; სუხიშვილების პრიმა მოცეკვავის, თეა დარჩიას და ,,თედასელების“; კლასიკური და ფოლკლორული ჟანრის სიმღერებისა და კომპოზიციების ვირტუოზული შესრულებით საყოველთაოდ ცნობილი რუსთავის კაპელას და გუნდის ხელმძღვანელის, მთავარი დირიჟორის, თამარ ბუაძის; მანანა დოიჯაშვილის სახელობის საქართველოს მუსიკოს-შემსრულებელთა მერვე კონკურსის გამარჯვებულებულთა; ახალგაზრდა შემსრულებლების და გუნდების მონაწილეობით;

კლასიკური მუსიკის საღამო – ფესტივალის დამაარსებლისა და სამხატვრო ხელმძღვანელის, პიანისტთა საერთაშორისო კონკურსების მრავალგზის ლაურეატის, ხელოვნების აკადემიის რექტორის, სენაკის საპატიო მოქალაქის, ვალერიან შიუკაშვილისა და ავსტრიელი პიანისტის, მოცარტის VIII საერთაშორისო კონკურსის გრან-პრის მფლობელის, გაბრიელ ტრიტრემელის მონაწილეობით;

თბილისის სახელმწიფო კონსერვატორიის ასოცირებული პროფესორის, თამარ ბულიას მასტერკლასი.