26 მაისისადმი მიძღვნილი ღონისძიებები გალაკონცერტით დასრულდა

სენაკში, საქართველოს დამოუკიდებლობის დღისადმი მიძღვნილი ღონისძიებები გრძელდება.

დიმიტრი ჯაიანის სახელობის მოსწავლე-ახალგაზრდობისა და კულტურის ცენტრის საკონცერტო დარბაზში, ადგილობრივი შემსრულებლების: მოსწავლე-ახალგაზრდობისა და კულტურის ცენტრთან არსებული შემოქმედებითი ჯგუფების – ,,მხიარული ნოტების’’, ანსამბლ ,,ეგრისის’’, სახალხო ქორეოგრაფიულ ანსამბლ ,,კოლხის“ მონაწილეობით, საზეიმო კონცერტი გაიმართა. 17 საათსა და 10 წუთზე, საქართველოს დამოუკიდებლობის გამოცხადების ისტორიულ დროს, ხელოვნების ცენტრის სამუსიკო სკოლის მოსწავლეთა მიერ, საქართველოს ჰიმნი შესრულდა.

მიხეილ ქურდოვანიძის სახელობის ჭადრაკის სახლში გაიმართა საქართველოს დამსახურებული მწვრთნელის, სპორტის ოსტატის, სენაკელი მოჭადრაკის, გოჩა ტყებუჩავას ხსოვნისადმი მიძღვნილი ღია საჭადრაკო ტურნირი.

ქალაქის ცენტრალურ სტადიონზე გამართული მოყვარულთა ლიგის 2023 წლის სენაკის მუნიციპალური ეტაპის ფინალური მატჩი ფეხბურთში ფოცხოს გუნდის გამარჯვებით დასრულდა.

ღონისძიებები, ჟიული შარტავას სახელობის ცენტრალურ პარკში, გალაკონცერტით დაიხურება, რომელშიც მონაწილეობას სოფო ბედია, ელენე ფოჩხუა, ბოკა კვეკვესკირი და ლაშა თოლორდავა მიიღებენ. #26მაისი🇬🇪 #თავისუფლებისსიყვარულით #ესდღეჩვენია